اهد الدنيا تتخطى المليون للفنان رامي صبري .. والشافعي يكشف التفاصيل ؟!

صرح عزيز الشافعي كاتب وملحن اغنية اهد الدنيا للفنان المصري رامي صبري  بعد الرقم القياسي الذي حققته الاغنية

عبر موقع الفيديوهات الشهير يوتيوب حيث تخطت المليون مشاهدة في فترة زمنية قصيرة

سعيد جدا ان اول تعامل ليا مع رامي صبري يكون في غنوة اهد الدنيا , والسعادة دي ليها كذا سبب الحقيقة

غير الأسباب العادية الي هي اني بحب صوت رامي صبري زي كل الناس ف الحقيقة

بس اللي اسعدني ان ازاي مطرب وفنان بجد يقدر يختار غنوة كانت موجودة بقالها سنين قدام فنانين كتير ومحدش

تحمس ليها زي رامي وده بيحصل كتير مع زملاء , وكل غنوة بيبقى ليها وقتها وليها صاحب نصيبها

رامي كمان بصراحة مش مجرد اختار غنوة عشان يغنيها لكن كمان قدر يخدم الغنوة صوت وصورة وتنفيذ هايل

في وقت قليل جدا

تابعته هو بيشتغل ف الغنوة ولقيته فعلا شخص نجم موهوب وفاهم كل تفاصيل المزيكا كلام ولحن وتوزيع وتنفيذ

الغنوة ليها قصص وكواليس كتير

بشكر رامي صبري على اللي عمله ف الغنوة دي ورهانه الناجح عليها وببارك له وبتمناله دايما النجاح ده واكتر

كمان عايز اشكر امير محروس على دعمه , ومحمد حامد الجندي المجهول ف الموضوع كله

وبدوره شكر رامي صبري الشافعي من خلال ماكتبه عبر حسابه الرسمي على انستغرام :

الفنان المحترم الموهوب ملحن وكاتب اغنية اهد الدنيا اشكرك على كلامك عني وتفاصيله لانك قلت تفاصيل

الشغل فعلا اللي بيحصل , وناس كتير بتسمع الاغنية وهيا مش عارفة التفاصيل

اشكرك على الغنوة الحلوة قوي

كما وجه كلمة شكر لشركة روتانا , وللجمهور العظيم الذي استمع للاغنية وابدا اعجابه بها

واخيراً أضاف قائلاً الحمدلله على النجاح وانتشار الاغنية في جميع الدول العربية

جدير بالذكر اغنية اهد الدنيا تم تصويرها مؤخراً بعدسة المخرج المبدع فادي حداد

وهي من كلمات والحان : عزيز الشافعي , توزيع : جلال الحمداوي , غناء رامي صبري

عن afaf

شاهد أيضاً

دلال الشمالي تعود بـ”زمن” لتحيي الحاضر

بيروت – موقع نجمة السعودية _____________________________ بعد غياب كبير عن الساحة الفنية عادت الفنانة القديرة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *